حكاية الجن العاشق وهل ممكن حد يكون سبب في سحر حد بيحبه

الوطني نيوزمنذ 3 أيامآخر تحديث: 26/05/2023

2 دقائق

كتب: محمد مهني

أختي عندها عشرين سنة و بيقولوا عليها ملبوسه بجني بيعشقها وبيمنع اي حد يقرب منها.. انا مش بصدق في الكلام ده.. لكن اللي شوفته خلاني اقول لنفسي اللي بيحصل لها صعب اوي وأكيد ده جن!..

في مرة جه اتقدم لها عريس كويس جدا وأخلاق.. قعد معاها شوية في البلكونة.. وسمعنا صوته وهو بيضحك معاها.. فقلنا شكلها المرة دي هتظبط ولا ايه.. لكن للأسف سمعنا صوت صرخته.. ومع دخولنا لقيناه واقع على الأرض ورقبته بتنذف دم كتير اوي!.. والحمد الله ان ربنا ستارها والجرح كان سطحي.. الا بقى كنا روحنا في داهيه.. وأهله عشان نعرفهم من زمان.. مابلغوش عن اللي حصل والموضوع عدى على خير.. لكن اللي حصل بعد كده خلانا نحبس اختي في اوضتها!..

بعد اخر عريس اتقدم لأختي أسماء.

جالنا عريس تاني تبع ست جارتنا..

قعد مع اختي وكنا حاطين أيدينا على قلبنا من الخوف..

بس على عكس المتوقع.. قبلت تقعد معاه.. ومحصلش اي شيء غريب نهائي..

بالعكس اتخطبوا! أيوة اتخطبو.. ولما قرب الفرح حصل اللي مكناش حطينه في الحسبان.. مات!

أيوة مات قبل يوم فرحه.. وطريقة موته كانت صعبه أوي! أهله

بيقولو بليل صحيو على صوته بيصرخ ولما دخلوا عليه لقيو عينه مش مكانها..

فراغ وعينه مش موجوده..

بعد اللي حصل ده اختي مبقاش يجلها عرسان خالص..

هيجوا أزاي وهي أصلا كل ما يجلها حد يحصل له مصيبه..

واحد كان هيموت ف بيتنا لولا ستر ربنا.. والتاني فعلا مات باكتر طريقه بشعه!..

انا كنت اعرف واحد صاحبي خاله شيخ وياما كلمني عنه.

قررت احكي له عن اللي بيحصل لاختي وهو بقى يكلم خاله.

فعلا أتصلت ب حسن وقلت له عايز اقبله ضروري.. وقالي بعد ساعه نتقابل على القهوة.. وفعلا قابلته وبعد ما سلمت عليه بدأت احكي له كل اللي بيحصل مع أسماء.. واول ما حكيت له حسيت في وشه الخوف.. وشه اتبدل.. والأغرب اني لقيته سابني ومشي.. أيوة مشي من غير حتى ما ينطق بكلمه واحده! وانا فضلت أنادي عليه كتير.. لكنه جري.. عارف لما تقابل عيل وتخوفه بكلمه.. فيطلع يجري..

ده اللي حصل بظبط!..

لكن بمجرد ما وصلت البيت لقيته بيكلمني وبيقولي انا جاليك دلوقتي انا وخالي!

وانا رديت عليه:

– انت أزاي تسبني وتمشي بالطريقه دي؟

= مش وقته دلوقتي الكلام ده.. أختك في خطر كبير ولازم نلحقها.. اللي عليها مش هيسيبها.. خلي بالك هي مش معاكم دلوقتي؟

– ثواني يا حسن هي مين اللي مش معاكم؟

= اختك دلوقتي معاه ولو ماخلصنهاش هتفضل هناك على طول

قفل حسن وانا رحت ع اوضة أسماء..

ملقتهاش جوه! دخلت لامي وقلتلها:

– اسماء فين يا امي؟

= مهي جوه هتروح فين يعني

– اسماء مش جوه!

قلت الكلمة دي لامي.. وجريت للاوضة.. وأول منا دخلت ومالقتهاش صرخت!..

راحت فين أسماء!..

حسن رن عليا وقالي إنه تحت البيت هو وخاله.. نزلت له.. ولما نزلت لقيت حسن ومعاه شيخ وكان الشيخ ماسك طفل في عمر العشر سنين.. سلمت على خاله الشيخ زايد وقالي:

– ازيك يابني.. انتم أزاي سكتو على اختكم كل الفترة دي.. تسكتو لحد ما أتمكن منها بالشكل ده.. ادعي نعرف نرجعها تأني

انا ماكنتوش فاهم حاجة واختي فين دلوقتي يا شيخ زايد:

– بص يابني.. اختك معشوقة من جن.. وجن كافر كمان.. وللأسف السلبية اللي كنتم فيها خلته يتمكن منها اكتر.. اختك دلوقتي في عالمه.. ولو فضلت لحد الصبح هناك هتفضل هناك على طول ومش هترجع تاني..

خلص كلامه واول ما دخل قالي اوديه اوضة اختي.. واجب له اي شيء يخصها.. قطعة ملابس او اي غرض.. جبت له حجاب.. وبعدها عمل شيء غريب.. ازازة فضاها ع الحجاب.. ومسح وش الطفل بالشيء اللي كان ع الازازة… وكتب على جبهته آية ( فسيكفيكهم الله ) وبعدها غطى وش الطفل بالحجاب.. وبدأ يقرأ سور معينه من القرآن زي المعوذتين.. والكرسي.. واواخر سورة البقرة.. والصفات… فضل يقرأ كتير جدا لحد ما حرفيا لقينا حصل أغرب شيء مكنتش متخيل ان ده ممكن يحصل أبدا!..